Слуцак / Slutzak Guest House http://slutzak.belaruscanada.com Беларускі куток сярод антарыйскіх азёр Sat, 26 Jun 2010 15:05:30 +0000 http://wordpress.org/?v=2.0 en Купальле 2010 http://slutzak.belaruscanada.com/?p=19 http://slutzak.belaruscanada.com/?p=19#comments Sat, 26 Jun 2010 15:05:30 +0000 slutzak Uncategorized http://slutzak.belaruscanada.com/?p=19 Набліжаецца самае прыгожае і самае чароўнае сьвята беларускага народнага календара - Купальле. Як і ў папярэднія гады, беларуская грамада Таронта і ваколіц зьбіраецца правесьці яго ў цэнтры адпачынку “Слуцак”. Сёлета Купальле будзе сьвяткавацца ў ноч з 10 на 11 ліпеня (з суботы на нядзелю). Кошт пакоя - 50 даляраў, намёта (палаткі) - 30 даляраў на сям’ю. Колькасьць удзельнікаў Купальля, на жаль, будзе абмежаваная фізычнымі магчымасьцямі “Слуцка”, таму, калі ласка, замаўляйце месцы загадзя. Па інфармацыю і з усімі пытаньнямі, датычнымі арганізацыі і разьмяшчэньня, тэлефануйце да Піліпа Тананкі ад 18:00 да 22:00 гадзіны. Тэлефон:     416-508-6317  416-508-6317    416-508-6317  416-508-6317

Той, хто быў на папярэдніх Купальлях, ведае, колькі маляўнічых старажытных абрадаў можна там пабачыць, колькі песьняў пачуць, як шмат гульняў, карагодаў і танцаў будзе ладзіцца на працягу ўсяе начы. Значна цікавей удзельнічаць у Купальлі таму, хто прыедзе на сьвята падрыхтаваным: маючы нейкія веды пра сьвята, умеючы трохі сьпяваць песьні ці танчыць. Усяму гэтаму яшчэ зусім ня позна навучыцца і зараз! У тыдні, якія засталіся да Купальля, фальклёрны гурт “Яваровы людзі” ладзіць адкрытыя для ўсіх рэпэтыцыі, на якіх вы зможаце даведацца пра сэнс купальскіх традыцыяў, а таксама развучыць некаторыя з нашых найпрыгажэйшых народных песьняў, навучыцца вадзіць карагоды, танчыць народныя танцы.

Рэпэтыцыі адбудуцца:

У пятніцу, 25 чэрвеня
У аўторак, 29 чэрвеня
У сераду, 7 ліпеня

Час рэпэтыцый: ад 18:00 да 20:00. Запрашаюцца ўсе!

Калі вы плянуеце прыйсьці на адну ці некалькі з гэтых рэпэтыцыяў альбо маеце нейкія пытаньні наконт мастацкай часткі сьвята, затэлефануйце, калі ласка, кіраўніку “Яваровых людзей” Віялеце Кавалёвай. Тэлефон (хатні):   416-503-9527  416-503-9527    416-503-9527  416-503-9527 .

Чакаем сустрэчы з вамі на “Слуцку” ў купальскую ноч!

]]> http://slutzak.belaruscanada.com/?feed=rss2&p=19 У нашым Слуцку ўсё па-людску http://slutzak.belaruscanada.com/?p=3 http://slutzak.belaruscanada.com/?p=3#comments Thu, 03 May 2007 03:08:21 +0000 slutzak Welcome/Калі ласка! http://slutzak.belaruscanada.com/?p=3 Ёсьць мясьціны, адна толькі назва якіх выклікае ў памяці шмат прыемных успамінаў. База адпачынку “Слуцак”, што каля горада Пэры-Саўнд, - менавіта такое месца. Кожнага, хто пабываў у нашым “Слуцку” хоць аднойчы, неадольна цягне сюды зноў і зноў. Мясцовыя краявіды вельмі нагадваюць родныя, беларускія: азёры, полі, лясы…

Сярод неабсяжных прастораў гуляе вецер, перабірае вершаліны клёнаў, бяроз, векавых дубоў. Бягуць бясконцыя дарогі да там-сям раскіданых “хат”, да чыстых вачэй азёраў. А над галавой зьвініць блакітнае неба зь белявым марывам хмарак.
Уражаньне такое, нібы апынуўся дома. I ніякія турботы ды клопаты, што панавалі над табой у горадзе, ня маюць тут моцы. Месяц і зоркі ў небе над начным возерам надаюць думкам лёгкасьць і чысьціню. У такім сьветлым настроі ты ідзеш адпачываць, ведаючы, што раніца прынясе табе адно спакойную радасьць. Абудзіўшыся на сьвітанку, ты прыбяжыш на бераг возера, каб злавіць шчупака, а можа пойдзеш прагуляцца па навакольным лесе, у якім, дарэчы, увосень даволі многа грыбоў. А ўвечары -вогнішча, нязмушаная сяброўская гутарка, сьпевы пад гітару…

Што да практычнага. Прыязжаць у Слуцак можна па аднму і групамі, на выходныя, на тыдзень, на сезон… Ёсьць двухпавярховы катэдж з пакоямі (з двух-спальнымі ложкамі), агульная кухня, электрапліта, лядоўні, посуд, вадаправод з гарачай вадой, душ, падушкі, коўдры (пасцелю пажадана везьці сваю). Ёсьць месцы для намётаў. Ёсьць культурна арганізаванае месца для вогнішча, печ для шашлыкоў, лавы, сталы. Ну, і лазьня на беразе возера з купальняй, рыбалка, грыбы (увосень), бяссонныя ночы пад гітару й піва…

Можна замовіць пакой у спадара Валодзі Чэмеля па т 1(519)623-8019

]]> http://slutzak.belaruscanada.com/?feed=rss2&p=3